شعر از شاعر غفار محمودی "دوستاق" - وار منیم
پاتوق فا | جمعه, ۲۴ آذر ۱۳۹۶، ۰۷:۳۳ ب.ظ
" وار منیم "
پریشان اوره گیم آغریلی جانیم
قانلی یاش چاغلایان گوزوم وار منیم
نیسگیللی احوالیم توکنمز دردیم
عومورده گولمه ین اوزوم وار منیم
چوخ الدن اوزومه دئییب شیلله ده
تابیم یوخ دایانیب دورام پیلله ده
نه دنسه اوشورم قیشین چیلله ده
غم آدلی ایسیدن کوزوم وار منیم
دایانیب داشلارا باختیمین تیمی
ایمدادا ایستیرم، الیفی-میمی
سورونمک دن یازیق نسیمی کیمی
دریسی سویولان دیزیم وار منیم
میثلی پاییز یارپاقی تک سولموشام
آه چکمک دن بولود تکین دولموشام
سون سوز یاشاماقا محکوم اولموشام
یئریم ده نه اوغلوم ،قیزیم وار منیم
"دوستاق"ین ال چکمیر قضا سرین دن
روحوم جیسمیم خسته اولوب درین دن
نه گیلئییم ، نه کوسوم وار بیرین دن
فلک دن گیلئیلی سوزوم وار منیم